Eguna eguerdiko hamabietan hasiko dute, meza nagusiarekin, eta ostean, bertsolarien txanda izango da. 14:30ean izango da auzo-bazkaria, eta horren ostean, 17:00etan, umeek jolasetan aritzeko aukera izango dute.
Hala, 17:30ean egingo duten bolo-txapelketarekin itxiko dute egitaraua. Txapelketako lehen hiru sailkatuek eskuratuko dute saria. Halaber, egunean zehar taberna jarriko dute. Aramaioko Udalak eta auzotarrek herritarrak animatu dituzte domekan Uribarrira joateko.