Txapelketa 75 platertara izan zen eta beterano-master mailan –75 urtetik gora– Jose Inazio Ullibarriarana hirugarren postuan sailkatu zen 55 plater botata.
Halaber, beterano kategorian Juan Luis Nafarratek ere postu bera lortu zuen 75 plateretatik 68 puskatuta. Maila berean, bosgarrena izan zen Angel Ullibarriarana 65 plater botata.
Klubetik adierazi dute atzoko eguna haize "indartsuak" markatu zuela eta horrek eragin handia izan zuela sailkapen guztietan. Dena den, "gustura eta pozik" daude lortutako emaitzarekin.
Denera 109 jaurtitzaile zeuden izena emanda atzo jokatu zen txapelketan, eta Aramaioko taldetik bederatzi lagunek hartu zuten parte.
