Azken urteotako ohiturari jarraituz, Aramaioko Udalak herriko erdigunean dagoen Sastiña ermitaren kanpoaldea musika agertoki bilakatuko du. Bi egitarau prestatu izan ohi dituzte, ekainean bat eta irailean bestea; gaur, egubakoitza, abiatuko dute lehenengoa.
Incomprendida Cassandra gaur
Gitarra akustikoa, perkusioa eta ahotsa lagun, nazioarteko askotariko kantu ezagunak interpretatuko ditu Incomprendida Cassandra hirukoteak. "Pop- rock doinuak eskainiko dituzte, talde ezagunen kantuekin osatuta errepertorioa; esaterako: U2, Pink Floyd, Black Crowes, Guns N'Roses, Muse, Aurora Beltran eta Amaral taldeen kantuak entzungo ditugu. Kontzertua dohainik da, 19:30ean hasita", azaldu dute antolatzaileek.
Ekainaren 14an izango da hurrengoa, eta Ale & Hopes taldea gonbidatu dute.
