Ikasturtea amaitzeko aste batzuk baino ez dira falta, eta, ohitura duten moduan, Aramaixo Herri Eskolan zapatuan egingo dute ikasturte amaierako jaia, eskolak eta guraso elkarteak antolatuta. 11:00etan hasiko da jaia, herriko plazan seigarren mailakoek egingo duten pregoiarekin, eta handik kalejiran joango dira eskolara.
11:30etik 13:00etara, slack line-a, ur parkea, ahateen arrantza, aurpegi margotzea, just dance-a, pintxo-chef-a, eskulanak, henna eta bestelako jolasak eta ekintzak izango dira. 14:00etan izango da bazkaria eta 15:30ean bingoan jolastuko dira. Azkenik, euskal jolasetan aritu ostean, 17:00etan amaituko da jaia.
