Saioaren helburuetako bat da Aukera energetikoak izeneko proiektuan egindako azterlanaren emaitzak jakinaraztea. Udaletik adierazi dutenez, azterketa horretan, Aramaiok autokontsumorako energia berriztagarria sortzeko duen gaitasuna neurtu da, udalerriko eraikinen egoera eta ezaugarriak kontuan izanda.
Bestetik, Udalak martitzeneko bilera aprobetxatu nahi du energiaren inguruko hausnarketa egiteko. Horrekin batera, herri mailan jarri nahi den energia talde eragilea sortzeko abiapuntu gisa planteatu du hitzaldia Udalak.
