12:00etatik 13:00etara bitartean egingo dira argi mozketak atzoko matxura konpontzeko. Esku-hartzeak irauten duen bitartean aparatu elektronikoak deskonektatzea, igogailurik ez erabiltzea eta etxean surik ez egitea gomendatu du Aramaioko argindar banatzaileak.
Eguerdiko ordu tarte horretan, argi hornidurarik gabe egongo dira Barajuan, Azkoaga, Zabola, Untzilla, Suña, Altzaga eta Gureia auzoetan. Halaber, aldizkako argi mozketak egingo dira Ibarra, Eguzkierripa, Mendixola, Etxaguen, Gantzaga, Labeaga, Ibabe, Arexola, Arriola, Uribarri, Zubieta, Arraga, Errotabarri eta Zalgo auzoetan.
Aramaioko argindar banatzaileak adierazi du hornidura aldez aurretik jakinarazi gabe berrezarriko dela.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
