Landu zituzten beste gaien artean, Eguneko Arretarako Landa Zentroa kudeatzeko zerbitzu kontratua esleitzeko espedientea izan zen. Duela hilabete batzuk abian jarri zuten kontratua esleitzeko prozesua, baina hutsik geratu zen. Alabaina, berriro jarri dute abian. Horrekin batera, udal langileen ordainsarien %0,5eko igoera adostu zuten.
Azkenik, galdera eta eskaeretan EAJko Jonatan Morenok galdetu zuen ea udal gobernua saiatu al den parke eolikoa egiteko asmoa duten lursailak erosten. Asier Agirrek hartu zuen hitza esanez, aerosorgailuak doazen lursail asko Udalarenak direla. "Ez dut uste eremu horretan lursailik erosi denik 90eko hamarkadatik". Hala ere, azaldu zuen Barajuen auzoko Torralde inguruko lursail bat erosi nahian dabilela Udala.
