Etxaguen auzoko baserri batean gertatu da ezbeharra goizeko hamaiketan. Larrialdi zerbitzuetakoak bertaratu arren, ezin izan dute 80 urteko gizonezkoa erreanimatu. Aramaion jaiotakoa zen arren, Arrasaten bizi zen hildakoa.
Ertzaintzak jakinarazi duenez, gertaeraren lekura hurbildu dira anbulantzia, suhiltzaileak eta Ertzaintzaren patruilak nahiz helikopteroa. Larrialdi zerbitzuak saiatu dira gizonezkoa suspertzen, baina bertan hil da.
GOIENAk jakin ahal izan duenez, bi gizonezko ziren pinuak mozten ari zirenak eta horietako bat, 80 urtekoa, azpian harrapatu du zuhaitzak. Hildakoa aramaioarra zen jaiotzez nahiz eta Arrasaten bizi zen.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
