Abarrategirekin batera nor baino nor gehiago jardun zuten honako bost bertsolarik: Aramaioko Paula Amilburu Izargaraik, Danel Herrarte Nafarrate eta Aitor Ugarte Erizek eta Gasteizko Eli Zaldua Barquinek eta Ekaitz Samaniego Curielek.
Hamahiruna bertso puntuagarri kantatu zituzten bertsolariek eta ariketa guztiak egin ondoren, Abarrategik lortu zuen puntu gehien: 259 hain zuzen ere. Gainerakoen puntuazioak honako hauek izan ziren:
- Aitor Ugarte: 250 puntu.
- Eli Zaldua: 250 puntu.
- Paula Amilburu: 249,5 puntu.
- Ekaitz Samaniego: 242,5puntu.
- Danel Herrarte: 238,5 puntu.
Hiru final laurdenetako puntuazioaren hurrenkeran osatuko dira gero finalerdiak.
Hurrengo saioa, domekan
Hurrengo saioa Oionen jokatuko da, otsailaren 4an, 17:30ean. Han ere izango dira aramaioarrak: Manex Agirre Arriolabengoa eta Xabi Igoa Eriz. Eta horiekin batera beste lau bertsolari: Aroa Arrizubieta Barredo, Maddi Agirre Epelde, Orlando Arreitunandia Arinas eta Rikardo Gonzalez de Durana Alzola.