Otsailaren 3an egingo dute Santa Ageda batzea Aramaion, Papargorri abesbatzak, Triki kalejirak, Aramaioko bertso eskolak eta Alaiak jubilatuen elkarteak antolatuta, eta, kantuan atera aurretik, bi entsegu antolatu dituzte datozen egunetarako. Lehena urtarrilaren 25ean izango da eta bigarrena, berriz, otsailaren 1ean. Entseguak musika etxean egingo dira, arratsaldeko zazpietan.
Egun berean, Santa Ageda batzearen ostean, 14:30ean, bazkaria egingo dute eskolan, eta joan nahi duenak izena eman beharko du, 615 73 92 55 telefono-zenbakira deituta. Izena emateko azken eguna urtarrilaren 30a da.
