Iker Senar aramaioarra lehen aldiz lehiatu zen Espainiako Ziklo-kros Txapelketan eta hamaseigarren postuan helmugaratu zen elite mailan. Esperientzia "polita" izan dela dio: "Zirkuitua ederra zen eta lokatzarekin teknikoagoa bihurtu zen. Gustura agertu da hamaseigarren postua lortzearekin. Bere hitzetan, ez da erraza lehen 20 postuetan sailkatzea, eta erronka bezala jarri zuen 20-25 postuen artean helmugaratzea. Gainera, azaldu du irteeran azken postuetatik abiatu zela, eta ez zela erraza izan arerioak aurreratea.
Txapelketaz galdetuta dio hasierako itzulietan kostatu zitzaiola erritmoa hartzea: "Akats batzuk egin nituen, baina poliki-poliki erritmoa hartuta, azken itzulian batzuk aurreratzea lortu nuen".
2024ko erronkak
Urte honi dagokionez, Enduro modalitatean ekainean Castejon de Sos-en (Huesca) izango den Espainiako Txapelketan parte hartzeko gogoz dago. "Hemen inguruan egingo diren enduro lasterketaz gozatzeko ere desiatzen nago", gehitu du.