2020an pandemiaren eraginez, Haur Hezkuntzako eta Lehen Hezkuntzako haurren ludotekaren erabilera banatu egin zen aforoa bermatzek eta iazko martxoan ordutegi horren asetasun-maila aztertu zuen Aramaioko Udalak. % 65 adinez banatutako ordutegiaren alde azaldu zen, % 32k adin guztiak elkartuta nahi zituen eta % 3k ez zuen erantzun argirik eman.
Emaitza horiek aintzat hartuta arratsalde erdia HH eta LHko haurrek banatuta pasatzen dute, eta beste erdia elkarrekin. Udalaren hitzetan, euren apustua da ordutegi horrekin jarraitzea, baina erabiltzaileen iritzia zein den jakin nahi dute "berresteko ia bide onetik goazen ala ez".
Horregatik, Udalak galdetegia jarri du erabiltzaileen eskura balorazio hori egiteko. Galdetegia familia unitate bakoitzeko pertsona bakarrak bete behar du eta horretarako azken eguna urtarrilaren 17a da.