Aramaioko Udalbatzak aldaketak izango ditu. Orain arte alkate izan den Iban Herrartek alkate kargua utzi du arrazoi pertsonalak argudiatuta; hain zuzen, astelehenean eman zien udal idazkariak erabakiaren berri gainerako udal ordezkariei presazko ezohiko bilkuran.
Egunean, abenduaren 21an, 17:00etan egingo dute ez ohiko plenoa alkate berria izendatzeko. Horrez gain, alkate kargua betetzeagatiko ordainsaria ere onartuko dute.
Ondorengo puntuak aztertuko dituzte:
- Alkatearen aukeraketa.
- Udalbatzaren bilkuren maiztasuna finkatzea.
- Onartzea, badagokio, batzorde informatiboen eraketa eta osaera aldatzea.
- Onartzea, badagokio, kide anitzeko organoetako ordezkariak aldatzea.
- Alkate kargua betetzeagatiko ordainsaria.
- Onartzea, badagokio, udal eraikinen garbitasunaren kontratazio espedienteari hasiera ematea.
- Onartzea, badagokio, tantai baso jabe kooperatibaren bazkide laguntzailea izatea.
