Foru Aldundiak Arabako erpin geodesikoen sarea ezagutarazteko eta herritarrei hurbiltzeko dibulgazio-proiektu bat jarri du abian, 15 ibilbide biltzen dituen argitalpen baten bitartez. Hala, ibilbide horiek lurralde osoan zehar banatutako 37 erpin geodesiko lotzen dituzte; tartean, Aramaioko bi ibilbide daude: Urkiolamendi (Abadiño) eta Orixol artekoa, Ardoaren eta arrainaren usaina izena duena; eta Begiraden ibilbidea, Durakogain eta Jarindo artekoa. Argitalpena udaletxeetan, turismo bulegoetan eta parketxeetan har daiteke formatu fisikoan, eta baita GeoAraba atarian ere, formatu digitalean.