Aramaioko Udalak bi peoi kontratatu behar ditu. Lanaldiak hiru hilabeteko iraupena izango du, eta lan-jardun erdikoa izango da. Zereginak izango dira: espazio eta eraikin publikoen eta espazio berdeen mantentze eta egokitzapena egiteko lanak burutzea, eraikuntza, lorezaintza eta antzeko lanak eginez.
Kontratatuko diren pertsonek bete behar dituzten baldintzak: Lanbide Euskal Enplegu Zerbitzuan lan eskatzaile gisa izena emanda egotea eta langabezian egotea. Lanbideren bitartez egin beharko da eskaria, abenduaren 20ra arte. 2022ko programan kontratatutakoek ezingo dute parte hartu.