Aramaion energia iturrien proiektuez herritarrekin hausnartzen: egindakoak eta egitekoak izeneko bilera egingo du Udalak herritarrekin. Batzarrak bi helburu nagusi izango ditu: batetik, Udalak parke eolikoaren proiektuaren aurrean egindako urratsen berri ematea; eta, bestetik, orain arte hartutako erabakiak partekatu eta aurreratzean egingo diren ekintzak aurkeztea. Aramaioko Udalak bizilagunak animatu nahi ditu batzarrean parte hartzera. 18:30ean izango da hitzordua, eguaztenean, udaletxean.