Azaroaren 25aren bueltan, Aramaioko Udalak hainbat ekitaldi antolatu ditu. Horietako bat izango da Emaize Sexologia Zentroko sexologo Miren Arregik egingo duen hitzaldia: Nola kudeatu pornoa familian? Porno belaunaldira hurbiltzen, familien heziketa sexualaren erronka. Hitzaldia kultura etxean izango da, hilaren 23an, eguenean, 18:30ean.
1994az geroztik, Emaize Sexologia Zentroak arreta egiten die sexualitateei eta sexuei eta horien arteko erlazioei. Zentroaren helburua neska-mutikoei eta emakume-gizonei elkar ulertzeko eta euren arteko elkarbizitza hobetzeko laguntza ematea da.
