Ludotekan ordutegi berriarekin hasi dira lanean. Erabiltzaileek eta gurasoek horrela eskatuta, arratsaldeko ordutegiak adinaren arabera banatzea erabaki dute. 16:15etik 17:45era bitartean 2 urtetik 5 urtera bitarteko umeak egongo dira astelehenetan, eguaztenetan eta barikutan; aldiz, martitzenetan eta eguenetan LH1etik LH6ra bitarteko gaztetxoak. 17:45etik 19:30era bitartean adin guztietakoak elkarrekin egoteko aukera izango dute.
Orain arte, erabiltzaileak adin eta egunaren arabera sailkatuta egon izan dira; baina, erabiltzaileek eta gurasoek eskatuta eta Udalak kultura-etxeko langileekin hitz egin ostean, aldaketa egitea erabaki dute erabiltzaileei ahalik eta zerbitzu onena emateko. Aurrerago, Udalak kontrastea egingo du jakiteko ea ordutegi berriarekin gustura dauden edo ez.
Bestalde, Udalak antzokia itxi egingo du arratsaldetan, ezin duelako bermatu espazioaren erabilera egokia.
