Untzillan maistra izandako Micaela Portillari buruz egin duten ikus-entzunezkoa botako dute bihar, zapatua, Untzillako elizan, 17:00etan: Micaela Portilla, templos, torres y caminos.
Micaela Portillaren jaiotzaren mendeurrena bete zen 2022an; data borobila ospatzeko, Arabako Foru Aldundiak Portillaren dokumentala egin zuen, eta, tartean, Untzillan ere grabatu zituzten dokumentalerako irudiak.
Dokumentalarekin pertsona eta haren lana ezagutarazi nahi dute, eta ondare pertsonalaren garrantzia nabarmendu. Portillaren bitartez, Arabako artea eta historia ezagutarazi nahi dute.
