Igandean jokatu zen, 2024ko Arabako Bertsolari Txapelketako zerrenda definitzeko azken kanporaketa. Asier Otamendi urretxuarra izan zen txapelketarako txartel zuzena lortu zuen bertsolaria, eta harekin osatutzat eman zuten 18kotea.
Sailkatuen artean zazpi aramaioar daude: 2022ko txapelketako irabazlea, Peru Abarrategi; harekin batera finalista izan ziren Manex Agirre, Xabi Igoa eta Paula Amilburu. Eta bestetik, aurtengo kanporaketetan parte hartu duten Aitor Ugarte, 185 punturekin sailkatua; Martin Abarrategi 182.5 puntu lortuta; eta azkenik, 171 punturekin Danel Herrarte.
Aramaioarrekin batera izango dira 2022ko txapelketan finalista Iñaki Viñaspre; aurtengo lau saioetako irabazleak; Unai Anda, Maddi Agirre, Ekaitz Samaniego eta Asier Otamendi; eta kanporaketetan parte hartu duten Aroa Arrizubieta, Orlando Arreitunandia, Eli Zaldua, Felipe Zelaieta, Rikardo Gonzalez eta Izar Mendiguren.
