Inauguratu dute Aramaioko Gazte Txokoa. 12 eta 16 urte bitarteko gazteei zuzendutako zerbitzua izango da; kiroldegian egokitu dute lokala.
Txirritola euskara elkarteak kudeatuko du txokoa; eta, Tximista Aisialdi taldeak dinamizatuko du. Azken urteetan Udalak, Txirritolak eta herriko eragileek egindako lanaren emaitza da Gazte Txokoa. Hain zuzen, Udalaren nahia izan da nerabeei aisialdi gune bat eskaintzea. Horren harira sortu zuten Tximista aisialdi taldea. Herriko gazteak hartu dituzte taldeko dinamizatzaile lanetarako; izan ere, herritik herrira egindako proiektua da eta interesgarria iruditu zaie hezitzaileak herrikoak bertakoak izatea.
Horrez gain, Tximista euskararendako helduleku izan nahi dute.
