Haurren aurrean helduok heldu ekimenaren bigarren edizioa egiten dabiltza egunotan; hain zuzen, urriaren 19tik urriaren 29ra bitartean. Helduen arteko hizkuntza ohituretan eragitea eta haurren aurrean duten eraginaz sentsibilizatzea dira ekimenaren helburu nagusiak.
Gorbeialdeko kuadrillak antolatuta, Aramaion domekan egingo dituzte ekintzak: 10:30ean Gurasolagun irteera egingo dute –parkean elkartuko dira–; eta, 17:00etan, kultura etxean, Alain Zulaikaren magia ikuskizuna izango dute 6 urtetik gorako haurrek.
