Urriaren 28an egingo da aurtengo Erretiratuen Eguneko azoka. Bada, hil bukaeran izango den azokari begira, dagoeneko zabaldu dute postua jarri nahi dutenendako izen-emate zerrenda. Egun horretan postua jarri nahi duten herriko abeltzain edo artisauei deia luzatu diete izena eman dezaten urriaren 17rako, martitzena, udaletxean.
Urteko hitzordu garrantzitsuenetarikoa izaten da Aramaion Erretiratuen Eguna. Jende asko batzen duen azoka izaten da; eta ez bakarrik aramaioarrak. Nardeaga kalean goitik beheraino jartzen den azokara bailarako eta inguruko herrietako jende ugari etortzen da.