Aramaioko Udalak 2023ko argazki lehiaketa jarri du martxan. Dagoeneko aurkez daitezke argazkiak udaletxean, liburutegian edo emailez bidalita euskara@aramaio.eus helbidera.
Urriaren 25era arte aurkez daitezke argazkiak; pertsona bakoitzak, gehienez, hiru argazki aurkeztu ahal izango ditu. Gaia librea izango da, baina argazkiak Aramaion egindakoak izan beharko dira.
Formatu horizontalean aurkeztu beharko dira argazkiak, eta bakoitzak izan behar du: argazkiaren izenburua, tokiaren izena eta data. Jpg formatuan aurkeztu behar dira pendrive batean edo emailez bidalita. Partaidearen izen-abizenak, harremanetarako telefonoa eta helbide elektronikoa gehitu beharko dira mezuan.
Argazkiaren neurriak 1 MG baino gehiago izan beharko dute. Argazkiak gainetik berrukitzea onartuko da, baina jatorrizko konposizioa aldatu gabe. Argazkietan pertsonaren lehen planoak agertzen baldin badira, pertsona horren baimena aurkeztu beharko da –umeak badira, gurasoen baimena–.