19:00etan ekingo dituzte jaiak ikurrinaren igoera eta etxafuegoekin; eta, 21:00etan, bertso afaria izango dute Millan Telleria eta Arkaitz Estiballesekin. Bihar, zapatua, 12:00etan meza esango dute, eta 16:45ean mus txapelketa izango dute. 20 euro ordaindu beharko du bikote bakoitzak. 17:00etan, puzgarriak eta jolasak egongo dira, eta 22:30ean, DJak musika jarriko du; 23:00etan, bola txapelketa –10 euro pertsonako–. Domeka goizean, umeentzat puzgarriak izango dituzte; 12:45ean, erretiratuentzako luntxa; 13:00etan, herriko bola txapelketa egingo dute; 16:45ean, briska txapelketa; 17:00etan puzgarriak, eta ondoren txokolatada; eta 18:15ean, gazte bola txapelketa.