Mezetatik irtendakoan, ongietorri beroa izango dute elkarteak Nardeaga kalean duen lokalaren inguruan: bertsoak eta dantzak egingo dizkiete erretiratuei. 13:30aren bueltan sagardo dastatzea eta pintxoak izango dituzte denen gozamenerako, eta, gainera, bazkideek elkar agurtzeko aukera izango dute. Ondoren, bazkaltzera joango dira bazkideak.
Bazkaria kiroldegian izango da, 14:30ean. 85 bazkide elkartuko dira bazkaltzeko orduan –154 dira guztira–. Ondoren, 16:30ak inguruan, omenaldia egingo zaie Jabier Altuna, Rosalia Abarrategi, Purificacion Garaigordobil eta Enrike Ibabe bazkideei. Alaiak Kantuan abesbatzak alaituko du bazkalostea. Kafea ere izango dute bazkaria amaitzeko, eta tertulia giroan bukatuko dute ospakizuna.