Debagoieneko antzerki plataformaren eskutik antzerkia ikasteko aukera egongo da Aramaion. Dagoeneko zabaldu dute izen-emate epea, Dap.eus atarian. Hiru taldetan banatuko dituzte parte-hartzaileak: haurrak, gazteak eta nagusiak. Ikastaroa eguazten edo eguen arratsaldeetan izango da, zehazteke dute eguna. Haurren kategorian 8 urtetik gorakoak daude, gazteak 12 urtetik gorakoak dira eta helduak 16 urtetik gorakoak. Guztiek izango dute ordu eta laurdeneko klasea. Gainera, ate irekietara joateko aukera egongo da: haurrak, irailaren 28an, 18:15ean; eta, helduak eta gazteak irailaren 28an, 19:30ean.