Aramaioko 21. Kurtzeta Gain plater tiro txapelketa jokatu zuten zapatuan, Kurtzetan. 15 plateretara izan zen, eta guztien artean onena Iraitz Diaz izan zen. Hurrenez hurren, hauek izan ziren ondorengo sailkatuak: Joao Pires, Unai Axpe eta Gillermo Arroniz.
Irailaren 30ean: Olarizu
Datorren zapatuan Olarizu txapelketa jokatzekoa zen Kurtzetan; baina, irailaren 30era atzeratu dute. Hain zuzen, hori izango da urteko azkeneko txapelketa. Hil amaieran itxi egingo dute plater-tiroketa gunea 2024ko martxora arte.
