Orixol Mendizale Elkarteak Aitor Aranaren omenezko 27. mendi martxa antolatu du, irailaren 23rako. Bi ibilbide prestatu dituzte, aukeran: ibilbide luzea, 26 kilometrokoa, Aramaio, Muru, Untzilla, Durakogain, Orixol eta Aramaio izango da; eta, motza 15 kilometrokoa, Aramaio, Muru, Untzilla eta Aramaio. Martxa frontoian hasiko dute: motza 08:00etan eta luzea 07:30ean.
Bi anoa postu jarriko dituzte ibilbidean zehar –Untzillan eta Kurtzetan– eta amaieran txorizo pintxoa izango dute parte-hartzaileek.
Izena emateko
On line eman beharko da izena horretarako propio sortu duten QR kodearen bitartez galdetegia beteta. Irailaren 20rako izena emanez gero, 6 euro ordaindu behar da; egunean bertan, 07:00etatik aurrera eman ahal izango da izena 10 euro ordainduta.
