Kurtzeta Gain elkarteko ordezkariek lan ona egin zuten Irunen jokatutako Euskadiko Kopan. Modalitate olinpiarrean jokatu zuten eta sailkapen orokorrean, Unai Axpe izan zen garailea; laugarren postuan, aldiz, Enrike Ullibarriaranak egin zuen. Gainera, beteranoen kategoriako irabazlea izan zen Ullibarriarana.
Txapelketa 50 plateretara izan zen: Axpek 47 jo zituen eta Ullibarriaranak 46. Modu horretan, finalera sailkatzea lortu zuten. Finala 25 plateretara izan zen: Axpek 22 jo zituen eta Ullibarriaranak 20.
