San Kristobal eguna ospatuko dute domekan

San Kristobal eguna ospatuko dute etzi, domeka, Uribarriko auzotarrek antolatuta. 12:00etan, meza izango dute, Bizente Goikoetxea abesbatzak lagunduta. Elizkizunaren ondoren, bertsolariek eta trikitilariek girotuko dute San Kristobal ermitaren aurrealdea. Bertsotan aramaioarrak ibiliko dira; hain zuzen, Xabi Igoa eta Aitor Ugarte anaiak. Musika jotzen, aldiz, Berriatutik eta Itziartik etorrita, Izar eta Naiara trikitilariak arituko dira. San Kristobalera joango direnek edatekoa eta pintxoak izango dituzte aukeran. 15:00etan, auzo bazkaria izango dute. Bazkalostearen ondoren, umore onik eta musikarik ez da faltako; eta, ospakizuna amaitzeko, bolo txapelketa izango dute. 17:00etan hasiko dute txapelketa. Modu horretan, San Kristobal eguna ospatuko dute, beste behin, aramaioarrek.