Frantziako Tourra Aramaiotik pasako da domekan. Horrek eragin handia izango du zirkulazioan, eta baita jaietako egitarauan ere. Aramaioko Udalak oharra argitaratu du herritarrek hainbat gomendio kontuan izan ditzaten.
A-2620 errepidetik pasako da Tourra, Kruzetatik Arrasatera bidean. Errepidea 10:30 inguruan itxiko dute –Gasteiztik etorriko denez lasterketa, Kruzetako aldea lehenago itxiko dute–. 11:30 inguruan propaganda-karabana pasako da, eta lasterketa, 13:30 inguruan.
Tarte horretan herritarrek edozein larrialdi badute, 112 zenbakira deitu beharko dute emergentzia koordinatzeko.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.