Etzi izango da lanen emanaldia, domeka, 23:30ean, parkean. Aurtengo lehiaketako gaia Alkate berria izango da. Film laburren emanaldiaren ondoren, Berbapasie egingo dute. Domekako arratsalderako beste zenbait ekintza ere prestatu dituzte; 18:00etan hasita, herriko paretak eta eraikinak eskalatzen ibiliko dira, street boulder txapelketaren barruan.
Astelehenean, aldiz, kuadrillen arteko pikea egingo dute, 16:30ean, parkean. Izena momentuan bertan eman behar dela azaldu dute Gazte Asanbladako kideek, hamar bat laguneko taldeetan. Betiko moduan, askotariko jolasak egingo dituzte eta umorea ere presente egongo da. Aurtengo jaietako berritasuna izango da Gazte Asanbladako kideek txosna dekoratuko dutela.
