Egun osoko jaia izango da: 10:00etatik 16:00ak arte egingo dituzte ekintzak. 10:00etan, Aramaioko, Urkabustaizko, Zigoitiko eta Zuiako musika eskolen taldeen kontzertuak egongo dira kultura etxean. 12:00etan, kalejira egingo dute: kultura etxetik Izarrako elizara joango dira musikarekin kaleak girotzen. 12:30ean, abesbatzen txanda izango da. Elizan egingo duten kontzertuan parte hartuko dute Aramaioko Bizente Goikoetxea abesbatzak, Mairuk, Umek eta Zurbano abesbatzak. 14:00etan musika jardunaldiaren ekitaldi amaiera egingo dute, Lolaenean; ondoren, 14:15ean, luntxa izango dute Gorbeialdea Musikaz Blai! jardunaldian parte hartuko duten musikari guztiek. Itzulerako autobusak Ostuño aparkalekutik irtengo dira, 16:00etan.
Gorbeialdeko musikarien topaketa egingo dute bihar Izarran
Gorbeialdea Musikaz Blai! jardunaldia egingo dute bihar, zapatua, Izarran. Gorbeialdeko musika topaketa izango da, eta hainbat musika eskolak parte hartuko dute; tartean, Aramaiokoak.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
