Lurraldez lurralde jokatutako eskolartekoetan sailkatutako 10 bertsolarik parte hartuko dute zapatuan Iurretan egingo den Euskal Herriko Eskolarteko txapelketako finalean. Final nagusian Sabin Abarrategi aramaioarra egongo da; izan ere, maiatzaren 20an Aramaion jokatutako Arabako Eskolarteko finalean bigarren postua eskuratu zuen, Maddi Agirreren atzetik.
Saioa doan izango da eta dagoeneko gonbidapenak eskuragai daude bertsosarrerak.eus atarian. 11:30ean hasiko da Euskal Herriko Eskolartekoa Iurretako frontoian, eta saioa amaitutakoan mokadua eskainiko dute eta hara joandakoen artean zozketa egingo dute.