Afanis elkarteak, Gasteizko Udalarekin eta Aldundiarekin elkarlanean, Oporrak bakean programa dauka. Helburua da errefuxiatuen kanpalekuetan bizi diren haur sahararrek udako bi hilabete Arabako familia batean pasatzea. Programan parte hartzeko aukera zabalik dago; izena eman daiteke maiatzaren 10era arte. Interesa duenak dei dezala 650 13 40 11 telefono-zenbakira edo idatz dezala mezua afanisalava@gmail.com helbidera.
Programari esker, bestelako errealitate bat ezagutzeko aukera dute umeek; gainera, osasun azterketak egin eta elikadura orekatua izaten dute. Bestalde, euskal gizartea Mendebaldeko Sahararen egoeraren gainean sentsibilizatzea ere bada helburua; horrela, bi kulturen arteko hurbilpena sustatzeko eta bultzatzeko.