N-240 errepidean, Goiain parean, gertatu zen istripua, 12:00ak aldera, atzo, astelehena. Ertzaintzak emandako datuen arabera, furgoneta batek txirrindulari bat harrapatu zuen eta hil egin zen. Txirrindularia, 68 urteko gizonezkoa, jaiotzaz aramaioarra zen.
Istripua gertatutako lekura Ertzaintza, suhiltzaileak eta Osakidetzako zerbitzuetakoak joan ziren. Biktima istripua izandako lekuan bertan artatu zuten, baina ezin izan zuten ezer egin. Ertzaintzak ikerketa abian du istripuaren arrazoiak argitzeko.
Hildakoa aramaioarra zen jaiotzaz, 68 urteko Javier Mascariano Ibabe.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
