Laster beteko dira sei urte Arbel Kooperatibak Kintelena janari-dendaren kudeaketa hartu zuenetik. Bada, dendaren etorkizunaz hausnartu eta bultzada berri bat emateko momentu dela iritzita, bilera irekia egingo dute datorren astean. Sastiñan izango da batzarra, martxoaren 29an, 18:00etan.
"Momentu honetan bultzada berri bat behar du proiektuak, eta horregatik herriko talde, eragile eta norbanako guztiei luzatu nahi diegu deialdia. Aramaio herri bizi bat izan dadin hain garrantzitsua den denda zabalik mantentzeko, denon inplikazioa behar dugu", azaldu du Kooperatibako zuzendaritzak ohar bidez.