Arabako Bertso Kuadrilla artekoa iritsi da amaierara. Zapatuan, martxoaren 22an, Laudion jokatuko dute finala Gasteizko Errexala eta Katuko Muinoak, eta Aramaioko Izena Pentsau Bida taldeek.
Bazkaria eta saioa
Egun osoko egitaraua prestatu dute. 12:00etan bertso poteoa egingo dute Laudioko BHI institututik hasita; kantuan ibiliko dira idatzizko bertso sorta taldekoak eta bat-bateko taldeko bertsolariak. 14:00etan bazkaria izango dute institutuan bertan. Bazkarirako eta saiorako txartelak erosi nahi dituenak gaur izango du horretarako azken eguna. Gazteek 10 eurotan, bazkideek 15 eurotan eta gainontzekoek 18 eurotan izango dituzte sarrerak, www.bertsosarrerak.eus atarian.
Saiorako sarrerak bakarrik ere eros daitezke: gazteek 4 euro, bazkideek 6 euro eta gainontzekoek 8 euro.
Musika eta finala
Bazkariaren ondoren Intxixv taldeak jarriko du musika, eta hiru taldeen arteko finala 17:00etan izango da.
