Hiru helburu nagusi izango ditu batzarrak: batetik, Udalak energia-iturrien gainean egindako lanketa eta jasotako informazioa azalduko dute; bigarrenik, Aramaion kanpotik jasotako parke eolikoaren proiektuari buruz hitz egingo dute, eta, modu horretan, Udalak herritarren iritzia jasoko du; azkenik, energia-iturrien gainean herritarren informazioa jasotzeko, 2023an zehar herritarrekin egin nahi dituzten hausnarketa saioei buruzko eskema aurkeztuko du Udalak.
Aramaioko Udalak Aztiker Soziologia Ikergunea kontratatu du energia-sorkuntzarako proiektuen inguruko hausnarketa-saioak egiteko. Hala, herritarrak animatu nahi dituzte eguaztenean egingo duten batzarrean parte hartzera.
