Bastidan jokatutako finalaurrekoan Errexela taldeak finalera sailkatzea lortu zuen Beeeeertsolariak taldearen aurkako saioan. Lautadako Beeeeertsolariak taldearen izenean Aitor Najera, Jon Ruiz de Pinedo, Beñat Cano, Oier Arbina eta Markel Yoller aritu ziren bertsotan; eta, Gasteizko Errexala taldean Felipe Zelaieta, Ainara Balantzategi, Marta De Pedis, Kerman Lopez de Lacalle, Jokin Estepa eta Asier Otamendi bertsolariak aritu ziren kantuan.
Gai jartzaile lanetan Oier Suarez aritu zen, eta epaileak izan ziren: Egoitz Iradier Lautadako Beeeeertsolarik taldearen ordezkaria, Juan Altuna Gasteizko Errexala taldearen taldearen izenean eta Ekaitz Elorriaga Arabako Bertsozale Elkarteko epaile gisa.
Finala, martxoaren 25ean
Finala martxoaren 25ean izango da, Laudion. Bi taldek lortu dute sailkatzea, gaur gaurkoz: Aramaioko Izena Pentsau Bidak eta Gasteizko Errexelak. Hirugarren finalaurrekoa martxoaren 12an izango da, Murgian. Katuko Muinoak eta Txandrio izango dira aurrez aurre.
