Administrazioarekin modu elektronikoan aritzeko formakuntza tailerra emango dute otsailaren 28an, 17:00etan, udaletxean. Landuko dituzten gaiak dira: nortasun elektronikoak, ziurtagiri digitalak eta Administrazio Orokorraren zerbitzu digitalak. Gainera, Cl@ve iraunkorra eta FNMT ziurtagiriak eskuratzeko aukera ere egongo da.
Antolatzaileek nabarmendu dute ezagutza horiek abantaila izan daitezkeela herritarrendako:"Hiribururako joan-etorriak saihesteko bide ematen du". Interesa dutenek udaletxean eman beharko dute izena.
Formazioa gaztelaniaz izango da, baina galderak euskaraz egiteko aukera ere egongo da. Antolatzailea Espainiak Araban duen ordezkariordetza da.