Oletako auzo-alkate Tzaitel Aldasorok azaldu du auzoko lagun batek sua ikusi eta abisua eman diela suhiltzaileei (13:20an). "Hiru etxebizitza daude baserrian, baina bitan bakarrik bizi da jendea. Zorionez, sua hartu duen unean ez da inor egon bertan. Suhiltzaileak azkar gerturatu dira, eta azkar kontrolatu ahal izan dute sua (15:00etarako kontrolpean izan dute). Hala ere, kaltea oso handia da teilatua eta solairuen artekoa kiskalita dagoelako", adierazi du Aldasorok.