Gaur, otsailaren 10a, Arabako Kuadrilla Arteko Bertsolari Txapelketako beste kanporaketa bat jokatuko da eta bertan arituko dira Aramaioko Ibarrako Periferiak eta Tratamendurik Gabeak taldeak. Lehenengo saioa galduta, gaur lortzen duten puntuazioa erabakigarria izango da hurrengo fasera pasatzen diren edo ez ikusteko.
Lehiatzen lehena Ibarrako Periferiak taldea izango da eta parean izango du Arabako Errioxako Txandrio. 22.30ean jokatuko da beste kanporaketa eta Tratamendurik Gabeak Aiaraldeko Altubepekoak taldeari egin beharko dio aurre.
Joan den asteko emaitzak
Otsailaren 4an, Aramaioko derbian, Izena Pentsau Bida nagusitu egin zitzaion Tratamendurik Gabeak taldeari. Egun bat lehenago, Gasteizen aritu ziren bertsotan Ibarrako Periferia taldekoak.