Gorbeialdeko Gurasolagun taldeak urteko lehenengo irteera egingo du domekan, urtarrilaren 29an. Hain zuzen, oraingoan, Aramaioko lurretan egingo dute irteera: Santikurtzera igoko dira. Familiak San Kristobalen elkartuko dira, 10:30ean.
Familian euskaraz
Gurasolagun elkarteak antolatzen dituen irteerak izaten dira familian euskaraz egun ederra pasatzeko; Mintzalagun egitasmoaren barruan koka daiteke, baina ekimen hori familiei zuzendutakoa da. Gorbeialdeko familiak elkartzen dira, hilero, eta irteera bakoitza Gorbeialdeko Kuadrillako udalerri batean egiten da.
Irteeran parte hartu edo Gurasolagun taldeko kide izan nahi duten familiek ondorengo helbidean lortuko du informazio gehiago: gorbeialdea@mintzalaguna.org; edo 650 26 67 44 telefono-zenbakian.
