Foru Aldundiak +8 Araba Market txeke ekimena jarri du martxan. Arabako landa guneetako negozioei bultzada emateko ekimena da. Aukera ematen du erosketak %40ko deskontuarekin egiteko; hau da, 12 euro ordainduta 20 euroko balioa duen txekea eskuratzen da.
18 urtetik gorako aramaioar guztiek izango dute txekeak erosteko aukera; pertsona bakoitzak, gehienez, 10 txeke eros ditzake. NAN zenbakia sartu beharko da erosketa egiterakoan –Araban bizi ez direnek ere izango dute txekeak erosteko aukera–.
Aramaion non erabil daitezke
Aramaioko kasuan, txekeak gastatu daitezke ondoko negozioetan: Kintelena, Arbel kooperatiba, Iturrieta Sagardotegia, Errez Kooperatiba, Atxeta gazta eta Hontza Extrem.
Noiz arte eros daitezke txekeak
Dagoeneko txekeak salgai daude, on line eros daitezke ondoko loturan. Txekeak erosteko azken eguna abenduaren 30a izango da; erabiltzeko azken eguna, aldiz, 2023ko urtarrilaren 15a.