Photocollarekin eman diote hasiera Aramaixon euskeraz bizi gure dot lelopean eginiko ekintzari aramaioarrek. 11:00etan ireki da lasterketarako izen-ematea, eta bertaratuek lau ibilbide izan dituzte aukeran: 270 metrokoa, 725 metrokoa, 1,6 kilometrokoa eta 3,2 kilometrokoa. Dena den, oinez edo korrika egiteko aukera egon da, eta 12:00etan hasi dira mugitzen.
Amaitzean, ez da sailkapenik egin, "garrantzitsuena parte hartzea" dela iritzita, eta salda eta patata tortillak banatu dituzte. Ostean, Trikikalejira elkarteak antolatuta kantu bazkaria egingo dute Izarra elkartean.
