Aramaioko Udaleko Berdintasun sailak antolatuta, eta Ikusiz Gozatu elkartearen laguntzarekin Cinco Lobitos filma eskainiko dute bihar, barikua, kultura etxean. 104 minutuko iraupena du filmak eta gazteleraz izango da.
Filma ikusteaz gain, Zinhezbako arduradun Helena Gonzalez izango da solasaldia dinamizatzen. Alauda Ruiz de Azuaren lehen filma da; amatasunaz hitz egiten du, baina baita belaunaldi ezberdinetako ama-alaben arteko harremanaz ere.
