Urtero egiten duten moduan, animalien azoka Nardeaga kalean jarriko dute, parke parean. Bada, antolakuntza lanak gaur arratsaldean hasiko dituzte, barikua.
Urriaren 28a, barikua, trafikoa zabalik egongo da; hala ere, lan batzuk egingo dituzte. Nardeaga 20tik behera postu batzuk jarriko dituzte, nahiz eta horrek ez duen eragingo garaje eta atarietako sarrera-irteeratan. Nardeaga 32tik 33ra trafikoa moztuta egongo da errepidean animalientzako hesiak jarriko dituztelako.
Bihar, zapatua, 8:00etan, Nardeaga 30tik behera eta Pedro Ignacio Barrutia 7-9an jarriko dituzten postuendako aparkalekuak libre egon beharko dira. Gainera, trafikoa moztuta egongo da Nardeaga kale guztian.