Gorbeialdeko Kuadrillak antolatzen duen orri-markagailu lehiaketa abian da. Azaroaren 16ra arteko epea egongo da lanak aurkezteko.
Orri-markagailuaren marrazkia, testua eta gaia librea izango dira. Lanak 4,5 x 21 zentimetroko orri edo folio batean aurkeztu beharko dira; bestelako neurririk ez dute onartuko. Lanak aurkeztu beharko dira Gorbeialdeko Kuadrillako bulegoetan, edo Aramaioko liburutegian edo udal bulegoan –baita kuadrillako gainerako herrietan ere–.
Sei kategoria
Sei kategoria egongo dira:
- Benjaminak: 2 urtetik 5era.
- Kimuak: 6 urtetik 10era.
- Haurrak: 11 urtetik 14ra.
- Gazteak: 15 urtetik 17ra.
- Helduak: 18 urtetik 65era.
- Seniorrak: 65 urtetik gorakoak.
Kategoria bakoitzeko hiru sari egongo dira: 150 euro, 100 euro eta 60 euro. Benjaminek sari bakarra izango dute, 40 eurokoa; eta, baita, seniorrek ere, 40 euro.
